ஷங்கர் இயக்கும் புதிய படத்தில் பிரபல பாலிவுட் நடிகர் சல்மான் கான் நடிக்க உள்ளதாக தகவல் வெளியாகி உள்ளது.
தமிழ் சினிமாவில் முன்னணி இயக்குனராக இருப்பவர் ஷங்கர். இவர் கமலின் இந்தியன்2 படத்தை இயக்கி வந்தார். கொரோனா பாரவல் காரணமாகவும், கமல் அரசியலில் பிஸியாக இருப்பதன் காரணமாகவும் இப்படத்தின் படப்பிடிப்பு பாதியில் நிறுத்தப்பட்டது. இதை தொடர்ந்து ஷங்கர் அடுத்ததாக பிரபல தெலுங்கு நடிகர் ராம் சரணை வைத்து புதிய படம் இயக்க தயாராகியுள்ளார். இப்படத்தில் ராம்சரண் தந்தையாகிய சிரஞ்சீவியும் நடிக்க உள்ளார்.
இந்நிலையில் மற்றுமொரு பிரபல பாலிவுட் நடிகரான சல்மான் கான் இப்படத்தில் நடிக்க அவரிடம் பேச்சுவார்த்தை நடைபெற்று வருவதாக தகவல் வெளியாகியுள்ளது. இயக்குனர் ஷங்கர் இத்திரைப்படத்தினை தமிழ், தெலுங்கு, மலையாளம், இந்தி, கன்னடம் என 5 மொழிகள் இயக்க உள்ளதால் அந்தந்த மொழிகளில் உள்ள பிரபல நடிகர்கள் இப்படத்தில் முக்கிய கதாபாத்திரத்தில் நடிக்க வைக்க முயற்சி செய்து வருகிறார் என்று தெரியவந்துள்ளது.