தமிழ் சினிமாவில் முகமூடி திரைப்படத்தின் வாயிலாக அறிமுகமான பூஜாஹெக்டே “பீஸ்ட்” படத்தில் விஜய் ஜோடியாக நடித்து பிரபலமடைந்தார். மேலும் இவர் தெலுங்கு, இந்தி படங்களிலும் நடித்திருக்கிறார். இவர் நடிப்பில் வெளிவந்த சில திரைப்படங்கள் தோல்வி அடைந்துள்ளது. எனினும் அவர் சம்பளம் விஷயத்தில் கறாராக இருப்பதாக வலைத்தளங்களில் தகவல் பரவியது.
மேலும் சம்பளத்தோடு சேர்த்து சிகை மற்றும் உடை அலங்கார நிபுணர், பாதுகாவலர்கள் என்று தன்னுடன் வரும் 15 -20 பேருக்கு ஆகும் செலவை தயாரிப்பாளர்கள் பார்த்துக்கொள்ள வேண்டும் என நிபந்தனை விதிப்பதாகவும் கூறப்பட்டது. இதன் காரணமாக பூஜா பேட்டியளித்தபோது “கதை வலுவாக இருந்தாலும் நான் கேட்ட சம்பளம் தரவில்லை எனில் அப்படத்தில் நான் நடிக்காமல் புறக்கணிக்கிறேன் என்று பரவி வரும் தகவலில் உண்மையில்லை.
இதற்கிடையில் பணத்தை மட்டுமே குறிக்கோளாக வைத்து நான் நடிக்கவில்லை. அவ்வாறு இருந்திருந்தால் இவ்வளவு தூரம் வந்திருக்க மாட்டேன். தற்போது உள்ள போட்டி உலகில் வந்த வாய்ப்புகளை பயன்படுத்துவது புத்திசாலித்தனம் ஆகும். நல்ல திரைப்படங்களை தேர்வு செய்யவேண்டிய அவசியமும் நடிகைகளுக்கு இருக்கிறது. சம்பளத்தை முக்கியமாக கருதி கிடைத்த கதைகளில் நடித்தாலும் காணாமல் போய் விடுவோம்” என்று அவர் கூறினார்.