சமுத்திரகனியின் மகன் ஹரி விக்னேஷ்வரன் தற்போது நடிகராக களமிறங்கியுள்ளார்.
தமிழ் சினிமாவில் நடிகராகவும், இயக்குனராகவும் வலம் வரும் சமுத்திரகனியின் படங்கள் ரசிகர்களிடையே மாபெரும் வரவேற்பை பெற்று வருகிறது. அந்த வகையில் அண்மையில் அவருடைய நடிப்பில் வெளியான ‘ரைட்டர்’ படம் ரசிகர்களின் மனதை கொள்ளை கொண்டு திரையரங்குகளில் வெற்றிகரமாக ஓடிக்கொண்டிருக்கிறது.
அவரைப் போலவே அவருடைய மகன் ஹரி விக்னேஷ்வரனும் 40 நிமிடம் ஓடக்கூடிய “அறியா திசைகள்” என்ற குறும்படத்தை எழுதி இயக்கி அதில் நடித்துள்ளார். அதாவது அந்த குறும்படம் இளைஞர்கள் எவ்வாறு ஏமாற்றப்பட்டு அறியா திசைகளில் சொல்கிறார்கள் என்பதை மிக தெளிவாக எடுத்து சொல்கிறது. தற்போது யூடியூபில் “அறியா திசைகள்” மிகுந்த வரவேற்பை பெற்று பாராட்டுகளை குவித்து வருகிறது.