டிப்பர் லாரியில் சட்ட விரோதமாக சரள் மண் கடத்தி வந்த வாலிபரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள தாழையுத்து இன்ஸ்பெக்டர் சுடலைக்கண்ணு தலைமையில் காவல்துறையினர் குறிச்சிகுளம் பாலம் பகுதியில் தீவிர வாகன சோதனையில் ஈடுபட்டனர். அப்போது காவல்துறையினர் அந்த வழியாக வந்த டிப்பர் லாரியை மடக்கி பிடித்து சோதனை செய்தனர். அந்த சோதனையில் டிப்பர் லாரியில் சட்டவிரோதமாக சரள் மண் கடத்தி வந்தது காவல்துறையினருக்கு தெரியவந்துள்ளது.
இதனையடுத்து காவல்துறையினர் வேன் டிரைவரிடம் விசாரணை நடத்தினர். அந்த விசாரணையில் சரள் மண் கடத்தி வந்தது தாழையுத்து சர்க்கிள் ஆபீஸ் வீதியில் வசிக்கும் பண்டாரம் என்பது காவல்துறையினருக்கு தெரியவந்துள்ளது. மேலும் இதுகுறித்து வழக்கு பதிவு செய்த காவல்துறையினர் பண்டாரத்தை கைது செய்ததோடு 3 யூனிட் சரள் மண் மற்றும் கடத்தலுக்கு பயன்படுத்தப்பட்ட டிப்பர் லாரியை பறிமுதல் செய்தனர்.