டிராக்டரில் சட்ட விரோதமாக சரள் மண் கடத்தி வந்த வாலிபரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள மானூர் பகுதியில் காவல்துறையினர் தீவிர வாகன சோதனையில் ஈடுபட்டனர். அப்போது அந்த வழியாக வந்த டிராக்டரை மடக்கி பிடித்து காவல்துறையினர் சோதனை செய்துள்ளனர். அந்த சோதனையில் சட்ட விரோதமாக சரள் மண் கடத்தி வந்தது காவல்துறையினருக்கு தெரியவந்துள்ளது. இதனையடுத்து காவல்துறையினர் டிராக்டரின் டிரைவரை பிடித்து விசாரணை நடத்தினர்.
அந்த விசாரணையில் அவர் கரம்பை பகுதியில் வசிக்கும் மாரியப்பன் என்பது தெரியவந்துள்ளது. மேலும் இதுகுறித்து வழக்குப்பதிவு செய்த காவல்துறையினர் மாரியப்பனை கைது செய்ததோடு அவர் கடத்தி சென்ற சரளை மண் மற்றும் டிராக்டரையும் பறிமுதல் செய்தனர்.