சட்ட விரோதமாக சாராயம் கடத்திய வாலிபரை காவல்துறையினர் கைது செய்துள்ளனர்.
பெரம்பலூர் மாவட்டத்திலுள்ள மதுவிலக்கு அமலாக்கப் பிரிவு காவல்துறையினர் காரியானூர் பகுதியில் தீவிர ரோந்து பணியில் ஈடுபட்டுள்ளனர். இந்நிலையில் அங்கு சந்தேகப்படும் படியாக நின்று கொண்டிருந்த வாலிபரை பிடித்து காவல்துறையினர் விசாரணை நடத்தியுள்ளனர்.
அந்த விசாரணையில் அவர் அதே பகுதியில் வசிக்கும் பெரியசாமி என்பதும், சட்டவிரோதமாக சாராயம் கடத்தியதும் காவல்துறையினருக்கு தெரியவந்துள்ளது. மேலும் இதுகுறித்து வழக்குப்பதிந்த காவல்துறையினர் பெரியசாமியை கைது செய்ததோடு, அவரிடம் இருந்த மொபட் மற்றும் 15 லிட்டர் சாராயத்தை பறிமுதல் செய்து விசாரணை மேற்கொண்டு வருகின்றனர்.