சசிகலா சென்னை வந்தவுடன் ராமாபுரம் தோட்டத்தில் உள்ள எம்ஜிஆர் சிலையை திறக்க வாய்ப்புள்ளதாக தகவல் வெளியாகியுள்ளது.
தமிழக சட்டப்பேரவை தேர்தல் நடக்க இன்னும் சில மாதங்கள் உள்ளன. இதையடுத்து அரசியல் கட்சிகள் தங்கள் தேர்தல் பிரசாரத்தில் தீவிரமாக தொடங்கியுள்ளனர். இதனால் தேர்தல் களம் சூடு பிடித்துள்ளது. இந்நிலையில் சசிகலா விடுதலைக்குப் பிறகு அதிமுகவில் பிளவு ஏற்பட வாய்ப்பிருக்கிறது என்று எதிர்பார்க்கப்பட் டு வருகிறது. சசிகலா விடுதலை செய்யப்பட்ட பின்னர், முன்னதாக ஏற்பட்ட உடல்நலக்குறைவு காரணமாக மருத்துவமனையில் இருந்து டிஸ்சார்ஜ் செய்யப்பட்டபோது அவருடைய காரில் அதிமுக கட்சி கொடி இருந்தது அதிமுக வட்டாரத்தில் பரபரப்பை ஏற்படுத்தியது.
இந்நிலையில் தமிழக எல்லையான ஓசூரில் ஜூஜூவாடிக்கு இன்னும் சற்று நேரத்தில் சசிகலா வர இருக்கிறார். இதையடுத்து சென்னை ராமாபுரம் தோட்டத்தில் எம்ஜிஆர் சிலை கல்வெட்டில் சசிகலா பெயர் சேர்க்கப்பட்டுள்ளது. சென்னைக்கு வந்து கொண்டிருக்கும் சசிகலா ராமாபுரம் தோட்டத்துக்கு வருவார் என்று தகவல் வெளியாகி உள்ளது. கடந்த 2017 இல் சசிகலா திறப்பதாக இருந்த எம்ஜிஆர் சிலையை இன்று திறக்க வாய்ப்புள்ளதாக கூறப்படுகிறது.