தமிழ் திரையுலகில் பிசியான நடிகராக வலம் வரும் சசிகுமார் பட வெளியீட்டில் சூர்யாவுக்கு போட்டியாக களமிறங்க உள்ளார்.
சுப்பிரமணியம் திரைப்படத்தின் மூலம் இயக்குனராக அறிமுகமான சசிகுமார் தற்போது எம்.ஜி.ஆர் மகன் எனும் திரைப்படத்தில் நடித்துள்ளார். பொன்ராம் இயக்கத்தில் உருவான இப்படத்தில் சசிகுமார், மிருணாளினி, சரண்யா பொன்வண்ணன், சிங்கம்புலி ஆகியோர் முக்கிய கதாபாத்திரத்தில் நடித்துள்ளனர்.
இந்நிலையில் இப்படத்தை நேரடியாக ஓடிடியில் வெளியிட முடிவெடுத்துள்ள படக்குழு இப்படத்தின் ரிலீஸ் தேதியும் வெளியிட்டுள்ளது. அதன்படி எம்ஜிஆர் மகன் திரைப்படம் வருகின்ற நவம்பர் 4ஆம் தேதி தீபாவளி பண்டிகையை முன்னிட்டு ஹாட் ஸ்டார் ஓடிடி தளத்தில் வெளியாகும் என அறிவிக்கப்பட்டுள்ளது. அதேபோல் சூர்யாவின் ‘ஜெய்பீம்’ திரைப்படமும் தீபாவளியையொட்டி ஓடிடியில் வெளியாக உள்ளதால் இந்த இரு படங்களுக்கிடையே நேரடி போட்டி உருவாகியுள்ளது.