சட்டவிரோதமாக ரேஷன் அரிசி கடத்திய 6 பேரை காவல்துறையினர் கைது செய்து நடவடிக்கை எடுத்துள்ளனர்.
ஈரோடு மாவட்டத்தில் உள்ள கோபி நாயகன்காட்டில் ரேஷன் அரிசி கடத்துவதாக போலீஸ் சப்-இன்ஸ்பெக்டர் வசந்தகுமாருக்கு தகவல் கிடைத்துள்ளது. அந்த தகவலின்படி காவல்துறையினர் சம்பவ இடத்திற்கு விரைந்து சென்று வாகன சோதனையில் ஈடுபட்டனர். அப்போது அவ்வழியாக வந்த ஒரு லாரியை காவல்துறையினர் நிறுத்தி சோதனை மேற்கொண்டனர். அந்த சோதனையில் மூட்டையில் அரிசி இருந்ததை காவல்துறையினர் கண்டுபிடித்தனர்.
இதனையடுத்து லாரியில் இருந்த 6 பேரையும் காவல்துறையினர் பிடித்து விசாரணை மேற்கொண்டனர். அந்த விசாரணையில் அவர்கள் திருப்பூர் மாவட்டம் முரட்டுபாளையத்தை சேர்ந்த சந்திரசேகரன், நல்லசிவம், கார்த்திகேயன், மூர்த்தி, பாரதி, உதயகுமார் போன்றோர் என்பதும் இவர்கள் வீடுகளுக்கு மொபட்டில் சென்று அரிசியை வாங்கி லாரியில் கடத்தியதும் காவல்துறையினருக்கு தெரியவந்தது. அதன்பின் அவர்கள் 6 பேரையும் போலீசார் கைது செய்து மாவட்ட உணவுப் பொருள் பாதுகாப்பு காவல்துறையினரிடம் ஒப்படைத்தனர். அதுமட்டுமின்றி அரிசி மற்றும் 2 மொபட், லாரியை காவல்துறையினர் பறிமுதல் செய்தனர்.