‘மாநாடு’ படத்தின் சாட்டிலைட் உரிமம் குறித்த தகவல் வெளியாகியுள்ளது.
தமிழ் சினிமாவில் நடிகர் சிம்பு முன்னணி நடிகராக வலம் வருபவர். வெங்கட்பிரபு இயக்கத்தில் இவர் நடிப்பில் உருவாகி இருக்கும் திரைப்படம் ”மாநாடு”. இந்த படத்தில் கல்யாணி பிரியதர்ஷன், எஸ்.ஜே.சூர்யா, எஸ்.ஏ.சந்திரசேகர் மற்றும் பலர் நடித்திருக்கின்றனர். சுரேஷ் காமாட்சி தயாரித்த இந்த படத்திற்கு யுவன் சங்கர் ராஜா இசையமைத்துள்ளார்.
இதனையடுத்து, பல பிரச்சனைகளை தாண்டி இன்று வெளியாகியிருக்கும் இந்தப் படம் ரசிகர்கள் மத்தியில் நல்ல வரவேற்பை பெற்று வருகிறது. இந்நிலையில், இந்த படத்தின் சாட்டிலைட் உரிமம் குறித்த தகவல் வெளியாகியுள்ளது.
அதன்படி, இந்த படத்தின் சாட்டிலைட் உரிமத்தை பிரபல முன்னணி தொலைக்காட்சியான கலைஞர் டிவி வாங்கி இருப்பதாக தகவல் வெளியாகியுள்ளது. மேலும், இந்த படத்தின் OTT உரிமையை சோனி லைவ் OTT தளம் வாங்கி இருப்பதாகவும் கூறப்படுகிறது.