சட்ட விரோத செயல்களில் ஈடுபட்ட 54 பேரை காவல்துறையினர் கைது செய்துள்ளனர்.
தூத்துக்குடி மாவட்ட போலீஸ் சூப்பிரண்டு ஜெயக்குமார் சட்ட விரோத செயல்களில் ஈடுபடுபவர்கள் மீது உரிய நடவடிக்கை எடுக்க வேண்டும் என உத்தரவிட்டுள்ளார். அந்த உத்தரவின்படி காவல்துறையினர் தீவிர ரோந்து பணியில் ஈடுபட்டுள்ளனர். அப்போது புகையிலைப் பொருட்கள், மது பாட்டில்களை சிலர் விற்பனை செய்து கொண்டிருந்தனர்.
இதனை பார்த்த காவல்துறையினர் மது பாட்டில்கள் விற்பனை செய்த 50 பேரையும், புகையிலை பொருட்கள் விற்பனை செய்த 4 பேரையும் கைது செய்துள்ளனர். மேலும் அவர்களிடமிருந்து காவல்துறையினர் 45 கிலோ புகையிலை பொருட்கள், 436 மது பாட்டில்கள், 3 மோட்டார் சைக்கிள்கள் மற்றும் ரொக்கப்பணம் ரூ.1840 ஆகியவற்றை பறிமுதல் செய்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.