புதுச்சேரியில் மாணவர்கள் பள்ளிக்கு வரலாம் என அம்மாநில முதல்வர் நாராயணசாமி அறிவித்துள்ளார்.
கொரோனா பாதிப்பை கட்டுப்படுத்துவதற்காக மத்திய மாநில அரசுகளும், சுகாதாரத்துறை அதிகாரிகளும் பல்வேறு நடவடிக்கைகளை மேற்கொண்டு வருகின்றனர். இதனுடைய பாதிப்பை கட்டுப்படுத்த தமிழகத்திலும் ஊரடங்கு தொடர்ந்து தளர்வுகளுடன் நீட்டிக்கப்பட்டு வருகிறது. தமிழகத்தில் தளர்வுகளின் அடிப்படையில், பல செயல்பாடுகளுக்கு அரசு சார்பில் அனுமதி அளிக்கப்பட்டாலும், பள்ளி, கல்லூரிகள் திறப்பது குறித்து இன்னும் முடிவு எடுக்கப்படவில்லை.
இந்நிலையில் மாணவர்கள் சந்தேகத்தை தீர்ப்பதற்காக அக்டோபர் 1 முதல் குழுக்களின் அடிப்படையில் பள்ளிக்கு வரலாம் என தெரிவிக்கப்பட்டிருந்தது. இந்நிலையில் தமிழகத்தை தொடர்ந்து புதுச்சேரியில் அக்டோபர் ஐந்தாம் தேதி முதல் 10 மற்றும் 12 ஆம் வகுப்பு மாணவர்கள் விருப்பத்தின்பேரில் பள்ளிக்கு வரலாம் என முதல்வர் நாராயணசாமி அறிவித்துள்ளார்.
9 மற்றும் 11ஆம் வகுப்பு மாணவர்களுக்கு வகுப்புகளை தொடர்வது குறித்து ஆராய குழு அமைக்கப்பட்டுள்ளது. பள்ளிக்கு வரும் மாணவர்களுக்கு உடல் வெப்ப பரிசோதனை உள்ளிட்ட முன்னெச்சரிக்கை நடவடிக்கைகள் எடுக்கப்படும் என்றும் தெரிவித்துள்ளார்.