12-ஆம் வகுப்பு படிக்கும் மாணவரை மர்ம கும்பலை சேர்ந்தவர்கள் இரும்பு கம்பியால் தாக்கிய சம்பவம் பரபரப்பை ஏற்படுத்தியுள்ளது.
நீலகிரி மாவட்டத்திலுள்ள கூடலூரில் 18 வயதுடைய மாணவர் வசித்து வருகிறார். இவர் அப்பகுதியில் இருக்கும் பள்ளியில் 12-ஆம் வகுப்பு படித்து வருகிறார். இந்நிலையில் பள்ளி முடிந்து வீட்டிற்கு செல்வதற்காக கூடலூர் பேருந்து நிலையத்தில் நின்று கொண்டிருந்த மாணவரிடம் சிலர் எங்களது நண்பரிடம் பிரச்சினை செய்கிறாயா எனக் கூறி வாக்குவாதத்தில் ஈடுபட்டுள்ளனர். அதன்பிறகு அந்த கும்பலை சேர்ந்தவர்கள் மாணவரை இரும்பு கம்பியால் சரமாரியாக தாக்கி விட்டு அங்கிருந்து தப்பி ஓடிவிட்டனர்.
இதனை அடுத்து படுகாயமடைந்த மாணவனை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்துள்ளனர். இதுகுறித்த புகாரின் பேரில் வழக்குப்பதிவு செய்த காவல்துறையினர் விசாரணை நடத்தி கூடலூர் பகுதியில் வசிக்கும் டேவிட் என்பவரை கைது செய்துள்ளனர். மேலும் தலைமறைவாக இருக்கும் மனோஜ், ஆல்பர்ட் ஆகியோரை காவல்துறையினர் தீவிரமாக தேடி வருகின்றனர்.