பெயிண்டரை அரிவாளால் வெட்டிய சம்பவம் பரபரப்பை ஏற்படுத்தியுள்ளது.
விருதுநகர் மாவட்டத்தில் உள்ள குமிழங்குளம் பகுதியில் மார்த்தாண்டம் என்பவர் வசித்து வருகிறார். இவர் பெயிண்டராக பணிபுரிந்து வருகிறார். இந்நிலையில் அதே பகுதியில் வசிக்கும் பிரபாகரன் என்பவருக்கும் மார்த்தாண்டத்திற்கும் முன் விரோதத்தின் காரணமாக தகராறு இருந்து வந்துள்ளது. கடந்த ஆகஸ்ட் 27 – ம் தேதியன்று அழகாபுரி- எரிச்சநத்தம் ரோட்டில் மார்த்தாண்டம் தனது நண்பர்களுடன் பேசிக் கொண்டிருந்தார்.
அப்போது அந்த வழியாக வந்த பிரபாகரன் மார்த்தாண்டம் தன்னைப் பற்றி பேசி கேலி செய்வதாக கூறி தான் மறைத்து வைத்திருந்த அரிவாளால் அவரை சரமாரியாக வெட்டிக் கொலை மிரட்டல் விடுத்து அங்கிருந்து சென்றுள்ளார். இதனை பார்த்ததும் அருகில் உள்ளவர்கள் மார்த்தாண்டத்தை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். இது குறித்து மார்த்தாண்டம் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பிரபாகரனை கைது செய்து தீவிர விசாரணை மேற்கொண்டு வருகின்றனர்.