தெலுங்கு சினிமாவில் பிரபல நடிகை என்ட்ரி கொடுக்க உள்ளார்.
தமிழ் சினிமாவில் பிரபல நடிகையாக வலம் வருபவர் ப்ரியா பவானி சங்கர். இவர் நடிப்பில் யானை, ஹாஸ்டல், குருதி ஆட்டம், திருச்சிற்றம்பலம் போன்ற திரைப்படங்கள் அடுத்தடுத்து ரிலீசாகியது. தனுஷுடன் இவர் இணைந்து நடித்த திருச்சிற்றம்பலம் திரைப்படம் ரசிகர்கள் மத்தியில் நல்ல வரவேற்பு பெற்றது.
மேலும், இவர் நடிப்பில் அகிலன், ருத்ரன், பொம்மை போன்ற திரைப்படங்கள் ரிலீஸுக்கு தயாராகி வருகிறது. இதனை தொடர்ந்து பத்து தல, இந்தியன் 2, போன்ற திரைப்படங்களிலும் இவர் நடித்து வருகிறார் என்பது குறிப்பிடத்தக்கது. இந்நிலையில், இவர் தெலுங்கு படத்தில் முதன்முறையாக நடிக்க உள்ளார்.
இயக்குனர் ஈஸ்வர் கார்த்திக் இயக்கத்தில் தெலுங்கு நடிகர் சத்யதேவ் நடிக்கும் படத்தில் பிரியா பவானி சங்கர் நடிக்க இருப்பதாக படக்குழுவினர் அதிகாரப்பூர்வமாக அறிவித்துள்ளனர். இதனால் ரசிகர்கள் மிகுந்த எதிர்பார்ப்பில் உள்ளனர்.