தமிழ் சினிமாவில் உச்ச நட்சத்திரமாக ஜொலிக்கும் தளபதி விஜய் பீஸ்ட் படத்தை தொடர்ந்து தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் ராஷ்மிகா மந்தனா ஹீரோயினாக நடிக்க, பிரகாஷ் ராஜ், சரத்குமார், சாம், பிரபு, யோகி பாபு உள்ளிட்டோர் முக்கிய வேடங்களில் நடிக்கின்றனர். இந்தப் படத்தில் விஜய் முற்றிலும் வேறுபட்ட கதாபாத்திரத்தில் நடித்துள்ளதாக தகவல் வெளியானதால் விஜய் ரசிகர்கள் மத்தியில் படத்தின் மீதான எதிர்பார்ப்பு அதிகரித்துள்ளது.
இந்நிலையில் வாரிசு படம் குறித்த புதிய அப்டேட் வெளியாகியுள்ளது. அதன்படி வாரிசு படத்தின் ஷூட்டிங்கை இம்மாதம் 27-ஆம் தேதி முடிக்க படக்குழு திட்டமிட்டுள்ளதாக கூறப்படுகிறது. மேலும் தளபதி 67 திரைப்படத்தை லோகேஷ் கனகராஜ் இயக்க இருப்பதாக தகவல்கள் வெளியான நிலையில், இம்மாதம் 23-ஆம் தேதி படம் குறித்த அதிகாரபூர்வ அறிவிப்பு வெளியாகும் என்று மற்றொரு தகவலும் வெளியாகியுள்ளது. தளபதி விஜய் படத்தின் அடுத்த அடுத்த அறிவிப்புகளால் ரசிகர்கள் மிகுந்த உற்சாகத்தில் இருக்கின்றனர்.