உலக அளவில் தகவல்களை பரிமாறிக் கொள்ள உதவும் முதன்மையான செயலியாக வாட்ஸ் அப் உள்ளது. எனவே உலகம் முழுவதும் பில்லியன் கணக்கிலான மக்கள் வாட்ஸ் அப்பை பயன்படுத்தி வருகின்றனர். இதில் வெறும் குறுச்செய்திகள் மட்டுமின்றி, வீடியோ, வாய்ஸ், டெக்ஸ்ட் சேட் உள்ளிட்ட பல்வேறு வசதிகள் மற்றும் தனிநபர் மட்டுமல்லாது குழுவிலும் செய்திகளை பரிமாறிக்கொள்ளும் வசதிகள் உள்ளது.
இந்நிலையில் இன்று முதல் சில போன்களில் வாட்ஸ்அப் இயங்காது என தெரிவிக்கப்பட்டுள்ளது. ஆண்ட்ராய்டு 4.1 அல்லது அதற்கு முந்தைய வெர்ஷன் இருந்தால் நாளை முதல் வாட்ஸ் அப் இயங்காது. உங்கள் செல்போன் kaiOS இயங்குதளத்தில் செயல்படும் என்றால் வாட்ஸ் அப்பை இயக்க kaiOS பதிப்பு 2.5 அல்லது அதற்கு பிந்தைய பதிப்பு கண்டிப்பாக தேவை. இதில் ஜியோ போன், ஜியோ போன் 2 ஆகியவையும் அடங்கும்.