தெலுங்கு சினிமாவில் பிரபலமான நடிகராக இருப்பவர் ராணா டகுபதி. இவர் பாகுபலி என்ற படத்தின் மூலம் உலக அளவில் மிகவும் பிரபலமானார். இவர் தற்போது தனக்கு விமான நிலையத்தில் நடந்த ஒரு மோசமான சம்பவம் குறித்து இணையதளத்தில் பகிர்ந்துள்ளார். அதில் விமான நிலையத்தில் என்னுடைய பொருட்கள் அடங்கிய லக்கேஜ் திடீரென காணாமல் போனது. இது பற்றி அதிகாரிகளிடம் கேட்டபோது அவர்கள் எங்களுக்கு தெரியாது என்று கூறி விட்டார்கள்.
என்னுடன் இருந்த சக பயணிகளுக்கு என்னுடைய லக்கேஜ் காணாமல் போனது தெரியும் போது, அதிகாரிகளுக்கு மட்டும் தெரியவில்லை. இதைவிட கேவலம் இருக்குமா என்று பதிவிட்டுள்ளார். மேலும் ஒரு குறிப்பிட்ட விமான நிலையத்தின் விளம்பரங்களையும் விமர்சித்து பதிவுகளை வெளியிட்டு வருகிறார்.