மாதம் இருமுறை பெட்ரோல், டீசல் விலையை உயர்த்தி வந்த எண்ணெய் நிறுவனங்கள் இந்த நடைமுறையை 2017ஆம் ஆண்டு ஜூன் மாதம் முதல் கைவிட்டது. இதனையடுத்து நாள்தோறும் பெட்ரோல் டீசல் விலையை நிர்ணயிக்கும் முறை தற்போது அமலில் உள்ளது. சென்னையைப் பொறுத்தவரை ஒருநாள் விட்டு ஒருநாள் பெட்ரோல், டீசல் விலை உயர்த்தப்பட்டு வந்தது.
இந்நிலையில் தமிழக அரசின் பட்ஜெட் அறிவிப்பையடுத்து லிட்டருக்கு ரூ.3 விலைகுறைப்பு அமலுக்கு வந்தது. இதனைத்தொடர்ந்து பெட்ரோல் லிட்டருக்கு 21 காசுகள் உயர்ந்து ரூ.99.36 க்கும், டீசல் லிட்டருக்கு 28 காசுகள் உயர்ந்து ரூ.94.45க்கும் விற்பனையானது. இந்நிலையில் கடந்த சில நாட்களாகவே பெட்ரோல்-டீசல் விலை மாறாமல் விற்பனையாகி வரும் நிலையில், 125-வது நாளாக பெட்ரோல் ரூ.101.40க்கும், டீசல் லிட்டருக்கு ரூ.91.43க்கும் விற்பனை செய்யப்படுகிறது.
இந்நிலையில் சர்வதேச சந்தையில் கச்சா எண்ணெய் விலை தொடர்ந்து அதிகரித்து வருகிறது. இதற்கிடையில் உத்திரபிரதேசம் உள்ளிட்ட 5 மாநில சட்டமன்ற தேர்தல் முடிவடைந்ததால், பெட்ரோல் டீசல் விலையை குறைந்தபட்சம் ரூ.10 வரை இன்னும் ஓரிரு நாட்களில் உயர்த்த எண்ணெய் நிறுவனங்கள் திட்டமிட்டுள்ளதாக தகவல்கள் வெளியாகியுள்ளது.