தெற்கு ரயில்வே நிர்வாகம் பராமரிப்பு பணிகளின் காரணமாக சில முக்கிய ரயில்களின் சேவை நிறுத்தப்பட்டுள்ளதாக அறிவிப்பு வெளியிட்டுள்ளது. அதன்படி சென்னை எழும்பூர்-சேலம் இடையே இரவு 11:55 மணி அளவில் இயக்கப்படும் ரயில் டிசம்பர் 1 மற்றும் 2-ம் தேதிகளில் முழுவதுமாக ரத்து செய்யப்படுகிறது. அதன்பிறகு சேலத்தில் இருந்து எழும்பூருக்கு இரவு 9:30 மணி அளவில் செல்லும் எக்ஸ்பிரஸ் ரயில் டிசம்பர் 1, 2, 3 ஆகிய தேதிகளில் முழுவதுமாக ரத்து செய்யப்படுகிறது.
இதனையடுத்து சென்னை எம்ஜிஆர் சென்ட்ரல் – கோவை இடையே மதியம் 2:30 மணிக்கு இயக்கப்படும் எக்ஸ்பிரஸ் ரயில், கோவை-எம்ஜிஆர் சென்ட்ரல் இடையே 6:15 மணிக்கு இயக்கப்படும் எக்ஸ்பிரஸ் ரயில் போன்றவைகள் டிசம்பர் 3-ம் தேதி முழுவதுமாக ரத்து செய்யப்படுகிறது.
இதேபோன்று எம்ஜிஆர் சென்ட்ரல்- கோவை இடையே காலை 7:10 மணிக்கு இயக்கப்படும் ரயில், கோவை-எம்ஜிர் சென்ட்ரல் இடையே மதியம் 3:05 மணிக்கு இயக்கப்படும் சதாப்தி எக்ஸ்பிரஸ் ரயில்கள் டிசம்பர் 3-ம் தேதி முழுவதுமாக ரத்து செய்யப்படுகிறது. மேலும் இதற்கு தகுந்தார் போன்று பயணிகள் தங்களுடைய பயண நேரத்தை திட்டமிட்டு கொள்ளுமாறு அறிவுறுத்தப் பட்டுள்ளது.