சர்ச்சைக்கு பெயர் போனவர் நடிகை மீரா மிதுன். இவர் பிக் பாஸ் நிகழ்ச்சியில் கலந்து கொண்டு பாதியிலேயே வெளியேறி விட்டார். இதனைத் தொடர்ந்து இவர் பல சர்ச்சைகளில் சிக்கி வருகிறார். இந்நிலையில் மீராமிதுன் பட்டியல் இன மக்களை இழிவாக பேசிய வீடியோ ஒன்று வெளியாகி பரபரப்பை ஏற்படுத்தியுள்ளது.
இந்த வீடியோ வெளியானதையடுத்து பலரும் இதற்கு கண்டனம் தெரிவித்து வருகின்றனர். மேலும் அவரை கைது செய்யக்கோரி மதுரை காவல்துறை ஆணையர் அலுவலகத்தில் திராவிடர் விடுதலை கழகத்தினர் உள்ளிட்ட பல அமைப்புகள் புகார் அளித்துள்ளனர். மீரா மிதுன் நண்பர் ஷாம் அபிஷேக் மீது தீண்டாமை வன்கொடுமை தடுப்பு சட்டத்தின்கீழ் வழக்குப் பதிந்து கைது செய்ய புகார் அளிக்கப்பட்டுள்ளது.