சன் டிவியில் ஒளிபரப்பாகும் பூவேஉனக்காக சீரியலில் நடித்துவரும் நடிகைக்கு திடீர் என்று நெஞ்சுவலி ஏற்பட்டுள்ளது.
நடிகை ஆமணி, 47 வயதான இவர் விஜயகாந்த் நடித்த ஆனஸ்ட்ராஜ் படத்தில் விஜயகாந்திற்கு மனைவியாக நடித்து இருப்பார். இவர் தமிழ் ரசிகர்களுக்கு மிகவும் பழக்கமானவர். கமலஹாசன், நாகார்ஜுனா ஆகியோருடன் இணைந்து நடித்துள்ளார். ஏராளமான தமிழ், தெலுங்கு திரைப்படங்களில் கேரக்டர் வேடங்களிலும் நடித்துள்ளார். இந்நிலையில் இவர் கடந்த சில நாட்களாக சன் டிவியில் ஒளிபரப்பாகி வரும் பூவே உனக்காக சீரியலில் கதாநாயகியின் அம்மாவாக சௌந்தரவல்லி என்ற கதாபாத்திரத்தில் நடித்து வருகிறார்.
மேலும் தெலுங்கு படமொன்றில் நடிப்பதற்காக கலந்துகொண்டபோது திடீரென்று அவருக்கு நெஞ்சுவலி ஏற்பட்டது. அங்கிருந்த படக்குழுவினர் மருத்துவமனைக்கு அழைத்துச் சென்றனர். அவருக்கு முதலுதவி அளிக்கப்பட்டு பின்னர் மருத்துவமனையில் இருந்து டிஸ்சார்ஜ் செய்யப்பட்டார். தற்போது அவர் நலமுடன் இருப்பதாகவும், மருத்துவமனை தரப்பில் இருந்து தெரிவிக்கப்பட்டுள்ளது.