பாலிவுட் நடிகர் சுஷாந்த் சிங்கின் கடைசி நிமிடங்கள் குறித்து மும்பை காவல்துறை பரபரப்பு தகவல் ஒன்றை வெளியிட்டுள்ளது.
பாலிவுட் நடிகர் சுஷாந்த் சிங் மரணம் இந்திய மக்களையே சோகத்தில் ஆழ்த்தியுள்ளது. தற்போது வரை அவர் குறித்த எந்த செய்தியை கேட்கும் போதிலும், அவர் குறித்த வீடியோக்களை பார்க்கும் போதிலும் மக்கள் மத்தியில் சோகம் நீங்காமல் நிற்பதை உணர முடியும். பாலிவுட் நடிகர் சுஷாந்த் சிங் கடந்த ஜூன் 14-ஆம் தேதி தற்கொலை செய்து கொண்டார்.
இவரது தற்கொலை குறித்து காவல் துறையினரும் பல்வேறு கோணங்களில் விசாரணை மேற்கொண்டு வருகின்றனர். இதில் சந்தேகிக்கும் விதமாக பல பிரபலங்களின் பெயர்கள் அடிபட்டாலும், காவல்துறையினர் உண்மையான ஆதாரங்களை திரட்டி வருகின்றனர். அந்த வகையில்,
கடைசியாக வழியில்லாத மரணம் குறித்தும், பைபோலார் டிஸ்ஆர்டர் குறித்தும் சுஷாந்த் கூகுளில் தேடியுள்ளதாக மும்பை காவல்துறை தெரிவித்துள்ளது. தற்போது இதனை அடிப்படையாக கொண்டு, அடுத்தகட்ட விசாரணையை அதிகாரிகள் மேற்கொண்டு வருகின்றனர்.