”மாநாடு” படத்தை பாராட்டி இயக்குனர் ஷங்கர் ட்விட்டர் பக்கத்தில் பதிவிட்டுள்ளார்.
தமிழ் சினிமாவில் நடிகர் சிம்பு முன்னணி நடிகராக வலம் வருபவர். வெங்கட்பிரபு இயக்கத்தில் இவர் நடிப்பில் உருவாகி இருக்கும் திரைப்படம் ”மாநாடு”. இந்த படத்தில் கல்யாணி பிரியதர்ஷன், எஸ்.ஜே.சூர்யா, எஸ்.ஏ.சந்திரசேகர் மற்றும் பலர் நடித்திருக்கின்றனர். சுரேஷ் காமாட்சி தயாரித்த இந்த படத்திற்கு யுவன் சங்கர் ராஜா இசையமைத்துள்ளார்.
இந்நிலையில், நவம்பர் 25ம் தேதி வெளியான இந்த படம் ரசிகர்களிடையே நல்ல வரவேற்பை பெற்று வருகிறது. இதனையடுத்து, இயக்குனர் ஷங்கர், ”மாநாடு படத்தின் இயக்குனர் வெங்கட்பிரபு இந்த படத்தின் கதையை அற்புதமாக எழுதி இயக்கியுள்ளார்.
சிலம்பரசன் மற்றும் எஸ்.ஜே.சூர்யா நடிப்பில் அசத்தியுள்ளனர். யுவன் சங்கர் ராஜாவின் இசை இந்த படத்தை உயர்த்துகிறது. மேலும், அனைத்து நடிகர்களும், தொழில்நுட்ப கலைஞர்களும் அனைவரும் இந்த படத்தில் தங்களது திறமையை காட்டி உள்ளார்கள்.” என தனது ட்விட்டர் பக்கத்தில் பாராட்டி பதிவிட்டுள்ளார்.