ஒற்றை ஆளாக குறைந்த செலவில்… மும்பை டூ துபாய் விமானத்தில் பயணித்த ஒரே ஒரு பயணி…!!

மும்பையில் இருந்து துபாய்க்கு செல்லும் போயிங் விமானத்தில் ஒரே ஒரு நபர் மற்றும் பயணித்து சென்றுள்ளார்.

இந்தியாவில் ஒவ்வொரு நாளும் தொற்று தீவிரமாக பரவி வருகின்றது. அதனால் பெரும்பாலான மக்கள் வீட்டிலேயே முடங்கிக் கிடக்கின்றன. இந்த நிலையில் மும்பையில் இருந்து துபாய்க்கு எமிரேட்ஸ் போயிங் என்ற விமானத்தில் ஒரு பயணி மட்டும் பயணித்துள்ளார். இந்த விமானத்தில் பயணம் செய்ததை அந்த நபர் வீடியோவாக எடுத்து பகிர்ந்துள்ளார். அதில் அவர் கூறியுள்ளதாவது: “நான் வீடியோ எடுத்து வெளியிடுபவர் கிடையாது.

ஆனால் இப்போது வீடியோ எடுத்து அதை உங்களிடம் பகிர விரும்புகிறேன். இந்த விமானத்தில் நான் மட்டும் பயணிக்கின்றேன். இந்த விமானத்தில் பயணிப்பது எனக்கு மிகவும் ஸ்பெஷல் ஆக இருக்கின்றது. விமானி விமானம் முழுவதையும் எனக்கு சுற்றிக் காட்டினார். என்று கூறி வீடியோவை பகிர்ந்துள்ளார் பவேஷ் ஜாவேரி. இந்த விமானத்தில் 350 பயணிகளுக்கு மேல் பயணிக்க முடியும். ஆனால் அதில் இவர் ஒருவர் மட்டுமே பயணித்துள்ளார்.