16 வயது சிறுமி தீ குளித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள தாழையூத்து பகுதியில் முருகன் என்பவர் தனது குடும்பத்துடன் வசித்து வருகின்றார். இவருக்கு 16 வயதுடைய துர்கா தேவி என்ற மகள் இருந்துள்ளார். இந்நிலையில் துர்கா தேவி கடந்த 16ஆம் தேதியன்று வீட்டில் யாரும் இல்லாத சமயத்தில் உடல் முழுவதும் மண்ணெண்ணெய் ஊற்றி தீ குளித்து தற்கொலை கொண்டார். இதனையடுத்து துர்கா தேவியின் அலறல் சத்தம் கேட்டு அருகில் இருந்தவர்கள் விரைந்து சென்று பார்த்து அதிர்ச்சி அடைந்துள்ளனர்.
அதன்பின் கருகிய நிலையில் இருந்த துர்கா தேவியை மீட்டு உடனடியாக சிகிச்சைக்காக அரசு மருத்துவமனைக்கு கொண்டு சென்றனர். ஆனால் அங்கு அவருக்கு அளிக்கப்பட்ட சிகிச்சை பலன் அளிக்காமல் துர்கா தேவி பரிதாபமாக உயிரிழந்து விட்டார். இது குறித்து தகவலறிந்த போலீசார் அவரின் உடலை மீட்டு உடற்கூறு ஆய்வுக்காக அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த போலீசார் சிறுமி எதற்காக தீ குளித்து தற்கொலை செய்து கொண்டார் என்ற விவரம் குறித்து விசாரணை நடத்தி வருகின்றனர்.