வேலைக்கு சென்ற சிறுமியை கடத்திச் சென்ற வாலிபரை காவல்துறையினர் போக்சோ சட்டத்தின் கீழ் கைது செய்துள்ளனர்.
புதுக்கோட்டை மாவட்டத்திலுள்ள விராலிமலை பகுதியில் 16 வயது சிறுமியை தனது உறவினர் வீட்டில் தங்கி வேலை பார்த்து வந்துள்ளார். இந்நிலையில் வேலைக்கு சென்ற சிறுமி நீண்ட நேரமாகியும் வீடு திரும்பவில்லை. இதுகுறித்து அந்த சிறுமியின் உறவினர்கள் விராலிமலை காவல்நிலையத்தில் புகார் அளித்துள்ளனர். அந்த புகாரின் பேரில் காவல்துறையினர் சிறுமியை தேடி வந்துள்ளனர்.
அப்போது கந்தர்வக்கோட்டை பகுதியில் வசிக்கும் வெங்கடேசன் என்ற வாலிபர் சிறுமியை கடத்தி சென்றதாக காவல்துறையினற்கு தெரியவந்துள்ளது. இதனையடுத்து சிறுமியை மீட்ட காவல்துறையினர் உறவினர்களிடம் ஒப்படைத்துள்ளனர். அதன் பின் சிறுமியை கடத்திய குற்றத்திற்காக வாலிபரை போக்சோ சட்டத்தின் கீழ் காவல்துறையினர் கைது செய்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.