மாநில அளவில் சிறுவர்களுக்கான கிரிக்கெட் போட்டி நடைபெற்றது.
திருச்சி மாவட்டத்தில் பிஷப் ஹீபர் கல்லூரி மைதானத்தில் 16 வயதுக்குட்பட்ட சிறுவர்களுக்கான மாநில அளவிலான கிரிக்கெட் விளையாட்டு போட்டி நடத்தப்பட்டது. இந்நிலையில் டி-20 எனப்படும் 20 ஓவர் போட்டிகளாக நடத்தப்படும் இந்த கிரிக்கெட் போட்டி தொடர்ந்து 5 நாட்கள் நாக் அவுட் முறையில் நடத்தப்படும்.
இந்த கிரிக்கெட் போட்டியில் திருச்சி, சென்னை உள்ளிட்ட பல்வேறு மாவட்டங்களை சேர்ந்த அணிகள் பங்கேற்றன. இந்நிலையில் இந்த கிரிக்கெட் போட்டியை முதல் நாளான நேற்று திருச்சி, தஞ்சை மறை மாவட்ட பேராயர் சந்திரசேகரன் தொடங்கி வைத்தார். இந்த நிகழ்ச்சியில் இந்திய கிரிக்கெட் வீரர் வாஷிங்டன் சுந்தரின் தந்தை மற்றும் முன்னாள் கிரிக்கெட் வீரருமான பிரின்ஸ், சுந்தர் உள்பட பலர் கலந்து கொண்டனர்.