சிவகார்த்திகேயன் பட நடிகை பிரபல தெலுங்கு நடிகரை ரகசியமாக காதலித்து வருகிறார்.
தமிழ் சினிமாவில் வெளியான துப்பறிவாளன், நம்ம வீட்டு பிள்ளை ஆகிய படங்களில் நடித்திருப்பவர் நடிகை அனு இம்மானுவேல். இவர் தற்போது தமிழ் மற்றும் தெலுங்கில் தயாராகி வரும் மகா சமுத்திரம் என்ற திரைப்படத்தில் நடித்து வருகிறார். இந்நிலையில் இவர் தெலுங்கு நடிகர் ஒருவரை ரகசியமாக காதலித்து வருகிறார் என்று தகவல் வெளியாகி உள்ளது.
அதன்படி இவர் தெலுங்கு இளம் நடிகர் அல்லு சிரிஷ் என்பவரை காதலித்து வருவதாக தெரியவந்துள்ளது. இவர் சமீபத்தில் அனு இம்மானுவேலின் பிறந்த நாளன்று அவரை வாழ்த்தி ஒரு வீடியோ ஒன்றை வெளியிட்டு இருந்தார். அந்த வீடியோவில் இவர்கள் இருவரும் நெருக்கமாக இருந்தனர்.
மேலும் அனுவை சைக்கோ என்று செல்லமாக பதிவிட்டிருந்தார். இந்த வீடியோ அவர்களின் காதலை உறுதிப்படுத்தியுள்ளது என்று திரையுலகில் தகவல் பரவி வருகிறது. மேலும் அல்லு சிரிஷ் பிரபல தெலுங்கு நடிகர் அல்லு அர்ஜுனின் சகோதரர் என்பது குறிப்பிடத்தக்கது.