சிவகாசியில் உள்ள ஸ்டேட் பாங்க் காலனியில் சாலைகள் சீரமைத்து தர கோரி பொதுமக்கள் கோரிக்கை விடுத்துள்ளார்கள்.
சிவகாசி யூனியன் எஸ்என் புரத்தில் உள்ள பஞ்சாயத்து ஸ்டேட் பேங்க் காலனியில் ஆயிரத்துக்கும் மேற்பட்ட குடியிருப்புகள் இருக்கும் நிலையில் பொதுமக்களின் பயன்பாட்டிற்காக போதிய தார் சாலைகள் இல்லை. இதனால் இப்பகுதி மக்கள் தங்கள் குடியிருப்பு பகுதிகளிலிருந்து நகரத்திற்கு செல்ல மிகவும் சிரமப்படுகிறார்கள். மழைக்காலங்களில் மண் சாலைகள் அனைத்தும் சேறும் சகதியுமாக ஆகிவிடுவதால், இருசக்கர வாகனங்களில் வரும் நபர்கள் வழுக்கிக் கீழே விழும் சம்பவங்கள் தொடர்ந்து நடந்து வருகிறது.
இந்தப் பகுதியில் உள்ள மண் சாலைகளை தார் சாலையாக மாற்றி தர சம்பந்தப்பட்ட அதிகாரிகள் நடவடிக்கை எடுக்க வேண்டும் என இப்பகுதி மக்கள் கோரிக்கை விடுத்துள்ளனர். இதனால் சிவகாசி அதிகாரிகளும் செங்கமலநாச்சியார்புரம் பஞ்சாயத்து நிர்வாகத்தினரும் வந்து ஆய்வு செய்து அப்பகுதி மக்களுக்கு தேவையானவைகளை நிறைவேற்றி தரவேண்டும் என சமூக ஆர்வலர்களும் பலர் கோரிக்கை விடுத்துள்ளனர்.