இலங்கை அணிக்கெதிரான 2-வது டி20 போட்டியில் ஆஸ்திரேலியா அணி வெற்றி பெற்றுள்ளது.
இலங்கை கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடுகிறது.இதில் இரு அணிகளுக்கு இடையே நடந்த முதல் டி 20 போட்டியில் ஆஸ்திரேலிய அணி வெற்றி பெற்றது.இந்நிலையில் இரு அணிகளுக்கு இடையேயான 2-வது டி20 போட்டி சிட்னியில் நேற்று நடைபெற்றது. இதில் டாஸ் வென்ற இலங்கை பந்துவீச்சு தேர்வு செய்தது.அதன்படி முதலில் களமிறங்கிய ஆஸ்திரேலிய அணி 20 ஓவர் முடிவில் 6 விக்கெட் இழப்புக்கு 164 ரன்கள் குவித்தது. இலங்கை அணி தரப்பில் சமீரா, ஹசரங்கா ஆகியோர் தலா 2 விக்கெட் கைப்பற்றினர்.
இதையடுத்து 165 ரன்கள் வெற்றி இலக்காக கொண்டு இலங்கை அணி களமிறங்கியது. இறுதியாக இலங்கை அணி 20 ஓவர் முடிவில் 164 ரன்கள் குவித்ததால் போட்டி சமனில் முடிந்தது.
இதைதொடர்ந்து ஆட்டம் சூப்பர் ஓவருக்கு சென்றது. இதில் முதலில் விளையாடிய இலங்கை ஒரு ஓவரில் 1 விக்கெட் இழப்புக்கு 5 ரன் மட்டுமே எடுத்தது.இதன்பிறகு விளையாடிய ஆஸ்திரேலியா 9 ரன் எடுத்து வெற்றி பெற்றது. இதன்மூலம் 5 போட்டிகள் கொண்ட டி20 தொடரில் 2-0 என ஆஸ்திரேலிய அணி முன்னிலையில் உள்ளது.