கண்ணிமைக்கும் நேரத்தில்…. சிறுவனுக்கு நடந்த விபரீதம்…. கதறி அழுத குடும்பத்தினர்….!!

வேன் மோதிய விபத்தில் 5 வயது சிறுவன் பலியான சம்பவம் சோகத்தை ஏற்படுத்தியுள்ளது.

திருப்பூர் மாவட்டத்தில் உள்ள தாராபுரம் பகுதியில் சந்தானம் பிரபு என்பவர் வசித்து வருகிறார். இவருக்கு 5 வயதுடைய சரவணன் என்ற மகன் இருந்துள்ளார். இந்நிலையில் சரவணன் தனது பாட்டியுடன் கடைக்கு சென்று விட்டு மீண்டும் வீட்டிற்கு திரும்பியுள்ளார். இதனையடுத்து பாட்டி மற்றும் பேரன் ஆகிய இருவரும் சாலையில் நடந்து சென்று கொண்டிருக்கும் போது பனியன் லோடு ஏற்றி வந்த வேன் எதிர்பாராதவிதமாக சிறுவன் மீது மோதி விட்டது.

இதனால் படுகாயமடைந்த சரவணனை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி சரவணன் பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் டிரைவரான பிரசாத் என்பவரை கைது செய்து விசாரணை நடத்தி வருகின்றனர்.