சாலையை கடக்கும் போது எதிர்பாரா விதமாக லாரி மோதியதால் சிறுமி உயிரிழந்த சம்பவம் பரபரப்பை ஏற்படுத்தியுள்ளது.
காஞ்சிபுரம் மாவட்டத்தில் உள்ள பெரியார் நகர் பகுதியில் நாராயணன் என்பவர் வசித்து வருகிறார். அவருக்கு ஜெயந்தி என்ற ஒரு மகள் உள்ளார். இதனை அடுத்து இவரின் சித்தப்பா கண்ணையன் அரசு பள்ளிக்கூடத்திற்கு எதிரே இளநீர் கடை நடத்தி வருகிறார். அந்தக் கடைக்கு சென்று இளநீர் வியாபாரம் செய்வதை சிறுமி ஜெயந்தி வழக்கமாக வைத்துள்ளார். இந்நிலையில் அந்த சிறுமி சித்தப்பாவின் இளநீர் கடையில் இருந்து சாலையை கடக்கும் போது அந்த வழியாக வேகமாக வந்த லாரி சிறுமியின் மீது மோதியது.
இதில் தூக்கி வீசப்பட்ட ஜெயந்தி சம்பவ இடத்திலேயே பரிதாபமாக உயிரிழந்தார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று அச்சிறுமின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இச்சம்பவம் குறித்து காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர். மேலும் விபத்தை செய்துவிட்டு தப்பி ஓடிய லாரி டிரைவரை காவல்துறையினர் வலைவீசி தேடி வருகின்றனர்.