அரியவகை சிறிய பாம்பை வனத்துறையினர் பிடித்து உயிரியல் பூங்காவில் விட்டனர்.
கோயம்புத்தூர் மாவட்டத்திலுள்ள சேரன்மாநகர் குடியிருப்பு பகுதியில் சிறிய அளவிலான பாம்பு ஓன்று ஊர்ந்து சென்றுள்ளது. இதனை பார்த்த பொதுமக்கள் அந்த சிறிய பாம்பினை விரட்ட முயற்சி செய்தும் முடியவில்லை. இதுகுறித்து வனத்துறையினருக்கு தகவல் தெரிவிக்கப்பட்டுள்ளது. அந்த தகவலின் படி சம்பவ இடத்திற்கு விரைந்து சென்ற வனத்துறையினர் அந்த சிறிய பாம்பை மீட்டனர்.
இதுகுறித்து வனத்துறையினர் கூறும் போது, பிடிபட்டது எண்ணெய்ப்பனையன் என்ற அரிய வகை பாம்பு என தெரிவித்துள்ளனர். எனவே இந்த அரியவகை பாம்பினை மாநகராட்சியின் கட்டுப்பாட்டில் இருக்கும் வ.உ.சி உயிரியல் பூங்காவில் வனத்துறையினர் விட்டனர்.