அங்கிருந்து தான் வந்துருக்கு… மயங்கி விழுந்த பெண் தொழிலாளி… நீலகிரியில் நடந்த சோகம்…!!

பாம்பு கடித்து பெண் தொழிலாளி உயிரிழந்த சம்பவம் சோகத்தை ஏற்படுத்தியுள்ளது.

நீலகிரி மாவட்டத்தில் உள்ள கக்குச்சி கனாக்கம்பை கிராமத்தில் நடராஜ் என்பவர் வசித்து வருகிறார். இவருக்கு சரோஜா என்ற மனைவி இருந்துள்ளார். இந்நிலையில் சரோஜா தேயிலைத் தோட்டத்தில் வேலை பார்த்துக் கொண்டிருந்த போது புதர் மறைவிலிருந்து வந்த பாம்பு சரோஜாவை கடித்து விட்டது.

இதனையடுத்து சரோஜா திடீரென மயங்கி விழுந்ததால் அதிர்ச்சியடைந்த சக தொழிலாளர்கள் உடனடியாக அவரை மீட்டு அரசு மருத்துவமனைக்கு சிகிச்சைக்காக கொண்டு சென்றனர். ஆனால் அங்கு அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.