தமிழ் சினிமாவில் பிரபல நடிகராக வலம் வருபவர் உதயநிதி ஸ்டாலின். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் மகிழ் திருமேனி இயக்கத்தில் தற்போது இவர் நடித்துள்ள திரைப்படம் ”கலகத் தலைவன்”.
இந்த படத்தில் கதாநாயகியாக நிதி அகர்வால் நடித்துள்ளார். மேலும், இந்த படத்தில் பிக்பாஸ் ஆரவ், கலையரசன் மற்றும் பலர் முக்கிய கதாபாத்திரத்தில் நடித்துள்ளனர். ரெட் ஜெயன்ட் மூவிஸ் நிறுவனம் தயாரித்துள்ளது.
இதனையடுத்து, இந்த படத்தில் நடித்த நிதி அகர்வால் சமீபத்திய பேட்டி ஒன்றில், இந்த படத்தில் பணியாற்றிய அனுபவங்களை பகிர்ந்து கொண்டார். அப்போது, இயக்குனர் மகிழ் நல்ல டேக்கிற்கு ஓகே சொல்ல மாட்டார். அந்த டேக் சூப்பராக இருந்தால் மட்டும் தான் ஓகே சொல்லுவார். சில சீன்ஸ் கஷ்டமாக தான் இருந்தது என கூறியுள்ளார்.