அதனை விற்று குடித்ததால்…. கல்லால் அடித்து கொல்லப்பட்ட மகன்… நீதிமன்றத்தின் அதிரடி உத்தரவு…!!

மகனை கொலை செய்த தந்தைக்கு நிபந்தனை ஜாமீன் வழங்கி நீதிமன்றம் அதிரடியாக உத்தரவிட்டுள்ளது.

சென்னை மாவட்டத்தில் உள்ள பி.டி.புதூர் பகுதியில் தட்சிணாமூர்த்தி என்பவர் வசித்து வருகிறார். இவருக்கு மது குடிக்கும் பழக்கத்திற்கு அடிமையான மகன் ஒருவர் இருந்துள்ளார். இந்நிலையில் இவரது மகன் பம்ப் செட் பொருத்துவதற்காக வாங்கி வைத்திருந்த வயர்களை விற்று மது குடித்துள்ளார். இதனையடுத்து கோபமடைந்த தட்சிணாமூர்த்தி மகனை தாக்கியதோடு, அவரைக் கல்லால் அடித்துள்ளார். இதனால் பலத்த காயமடைந்த அவரது மகன் சம்பவ இடத்திலேயே பரிதாபமாக உயிரிழந்து விட்டார்.

இதனையடுத்து அரக்கோணம் தாலுகா காவல் துறையினர் தட்சிணாமூர்த்தியை கைது செய்து சிறையில் அடைத்து விட்டனர். இந்நிலையில் தட்சிணாமூர்த்தி ஜாமீன் கேட்டு சென்னை ஐகோர்ட்டில் மனு ஒன்றை தாக்கல் செய்துள்ளார். இந்த மனுவினை விசாரித்த நீதிபதி கொரோனா தொற்று பரவல் அதிகமாக இருப்பதால் நிபந்தனை அடிப்படையில் தட்சிணாமூர்த்திக்கு ஜாமீன் வழங்கி உத்தரவிட்டுள்ளார்.