தமிழக வீரர் நடராஜன் தன்னுடைய சொந்த கிராமத்தில் அனைத்து வசதிகளுடன் கூடிய கிரிக்கெட் மைதானத்தை உருவாக்கி வருவதாக தெரிவித்துள்ளார்.
இந்திய அணியில் யார்கர் நாயகன் என அழைக்கப்படும் தமிழக வீரர் நடராஜன் கடந்த ஆண்டு நடந்த ஆஸ்திரேலிய அணிக்கு எதிரான ஒருநாள் , டி20 மற்றும் டெஸ்ட் என மூன்று வடிவிலான போட்டிகளிலும் அறிமுக வீரராக களமிறங்கி சாதனை படைத்தார். இந்த நிலையில் காயம் காரணமாக இந்திய அணியில் இடம் பெற முடியாமல் உள்ளார் இந்த நிலையில் நடராஜன் தனது சொந்த ஊரில் ஒரு கிரிக்கெட் மைதானம் ஒன்றை அமைத்துள்ளார். இது குறித்து அவர் ட்விட்டர் பக்கத்தில்,” என்னுடைய கிராமத்தில் அனைத்து வசதிகளுடன் கூடிய கிரிக்கெட் மைதானத்தை உருவாக்கி வருவதாகவும், அதற்கு நடராஜன் கிரிக்கெட் மைதானம் என பெயரிடப்பட்டு உள்ளதாகவும் தெரிவித்துள்ளார்.
Happy to Announce that am setting up a new cricket ground with all the facilities in my village, Will be named as *NATARAJAN CRICKET GROUND(NCG)❤️
* #DreamsDoComeTrue🎈Last year December I Made my debut for India, This year (December) am setting up a cricket ground💥❤️ #ThankGod pic.twitter.com/OdCO7AeEsZ— Natarajan (@Natarajan_91) December 15, 2021
மேலும் கடந்த ஆண்டு டிசம்பர் மாதம் முதல் முறையாக இந்திய அணியில் அறிமுகமானேன். இந்த டிசம்பரில் கிரிக்கெட் மைதானத்தை உருவாக்கி வருகிறேன் .கனவுகள் நிஜமாகும். கடவுளுக்கு நன்றி ” என்று அவர் பதிவிட்டுள்ளார். கடந்த 2020-ஆம் ஆண்டு ஐக்கிய அரபு அமீரகத்தில் நடந்த ஐபிஎல் தொடரில் சிறப்பாக விளையாடிய நடராஜன், ஆஸ்திரேலியா அணிக்கு எதிரான சுற்றுப்பயணத்தில் இந்திய அணியில் இடம் பிடித்தார் என்பது குறிப்பிடத்தக்கது.