சட்டவிரோதமாக கஞ்சா விற்பனை செய்த வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள முள்ளக்காடு பகுதியில் காவல்துறையினர் ரோந்து பணியில் ஈடுபட்டிருந்தனர். அப்போது காவல்துறையினர் செல்வதைப் பார்த்த வாலிபர் அங்கிருந்து தப்பிக்க முயற்சி செய்துள்ளார். இதனைப் பார்த்த காவல்துறையினர் விரைந்து சென்று அந்த வாலிபரை பிடித்து சோதனை செய்த போது அவர் விற்பனைக்காக கஞ்சா வைத்திருந்ததை கண்டு பிடித்துள்ளனர்.
இதனையடுத்து காவல்துறையினர் வாலிபரிடம் நடத்திய விசாரணையில் அவர் சுனாமி காலனி பகுதியில் வசிக்கும் முனீஸ் என்பதும், அவர் அப்பகுதியில் கஞ்சா விற்பனை செய்ததும் தெரியவந்துள்ளது. அதன் பிறகு காவல்துறையினர் முனீஸ் விற்பனைக்காக வைத்திருந்த கஞ்சாவை பறிமுதல் செய்துள்ளனர். மேலும் இச்சம்பவம் குறித்து வழக்குப் பதிந்த காவல்துறையினர் சட்டவிரோதமாக கஞ்சா விற்ற குற்றத்திற்காக முனிஸை கைது செய்து தீவிர விசாரணை மேற்கொண்டு வருகின்றனர்.