கேரள கல்வித்துறை சார்பாக செய்திகுறிப்பு ஒன்று வெளியிடப்பட்டுள்ளது. அதில் இருப்பதாவது, கேரளாவில் எஸ்எஸ்எல்சி தேர்வுகள் மார்ச் 31 தொடங்கியது. இதையடுத்து ஏப்ரல் 29ஆம் தேதி வரை தேர்வுகள் நடைபெறும். இந்த தேர்வு எழுத மொத்தம் 4 லட்சத்து 26 ஆயிரத்து 967 நபர்கள் பதிவு செய்துள்ளனர். சென்ற ஆண்டைவிட 5080 பேர் கூடுதலாக தேர்வு எழுத இருக்கின்றனர்.
இத்தேர்வானது 2962 மையங்களில் வைத்து நடைபெறும். இதில் அனைத்து தேர்வுகளும் காலை 9:45 மணி முதல் நடைபெறும். இதற்கிடையில் வளைகுடா நாடுகளில் 9 மையங்களில் 574 நபர்கள் தேர்வு எழுத இருகிறார்கள். அதேபோன்று லட்சத்தீவில் 9 மையங்களில் 882 பேர் இந்த தேர்வு எழுத இருகிறார்கள். இவர்களில் 2 லட்சத்து 18 ஆயிரத்து 903 பேர் ஆண்கள் மற்றும் 2 லட்சத்து 8 ஆயிரத்து 64 பேர் பெண்கள் ஆவர் என்று அதில் குறிப்பிடப்பட்டுள்ளது.