அதிமுக ஆட்சியாளர்கள் ரத கஜ துரக பதாதிகள் அனைத்தும் வேலூரை வளைத்து முற்றுகையிட்டு ஆட்டம் போட்டனர் என்று திமுக தலைவர் ஸ்டாலின் விமர்சித்துள்ளார்.
வேலூர் மக்களவை தேர்தலில் திமுக வேட்பாளர் கதிர் ஆனந்த் 8,141 வாக்குகள் வித்தியாசத்தில் வெற்றி பெற்றார். இதையடுத்து தமிழகம் முழுவதும் உள்ள திமுக தொண்டர்கள் கொண்டாடி வருகின்றனர்.தேர்தல் வெற்றிக்கு காரணமான வாக்காளர்களுக்கு நன்றி தெரிவித்து ஸ்டாலின் அறிக்கை வெளியிட்டிருந்தார்.அதில் ,மத்திய மாநில ஆட்சியாளர்கள் சேர்ந்து செய்த சூழ்ச்சியும் தேர்தல் தள்ளிவைக்கப்பட்டு ஆகஸ்ட் 5 ஆம் தேதி வாக்குப்பதிவு நடைபெற்றது.தனியாக நடைபெற்ற தேர்தல் என்பதால் அதிமுக ஆட்சியாளர்கள் ரத கஜ துரக பதாதிகள் அனைத்தும் வேலூரை வளைத்து முற்றுகையிட்டு அதிகார மீறல் களுடன் ஆட்டம் போட்டனர் என்று விமர்சித்திருந்தார்.
மேலும் , இந்த தேர்தலில் எதிர்க் கட்சியான திமுக தனது தொண்டர் பட்டாளத்தையும் தோழமை கட்சிகளின் பலத்தையும் பொது மக்களின் பேராதரவை நம்பி களம் இறங்கியது.மக்களை தேர்தலில் திமுக மிட்டாய் கொடுத்து குழந்தை ஏமாற்றுவது போல வாக்காளர்களை ஏமாற்றி விட்டனர் என தமிழக மக்களை கொச்சைப்படுத்தி இழிவு செய்த முதலமைச்சர் உள்ளிட்ட ஆட்சியாளர்களின் விஷம பிரச்சாரத்தை முறியடிக்கும் வகையில் இந்த வெற்றி அமைந்துள்ளது. ஆளுங்கட்சியின் அதிகாரத்தையும் பணபலத்தையும் மீறி வேலூர் கோட்டையை திமுகவின் வெற்றிக் கோட்டையாகி இருக்கிறது என்று ஸ்டாலின் அந்த அறிக்கையில் தெரிவித்திருந்தார்.