இன்று முதல்… செமஸ்டர் தேர்வுகள் ஆன்லைனில் ஆரம்பம்…!!

அண்ணா பல்கலைக்கழகத்தில் இறுதி செமஸ்டர் தேர்வுகள் ஆன்லைன் மூலம் இன்று முதல் ஆரம்பம் ஆகின்றன.

கொரோனா காலகட்டத்தில் பள்ளிகளில் தேர்வுகள் நிறுத்தப்பட்டுள்ள நிலையில் கல்லூரியில் பயிலும் மாணவர்களுக்காக இறுதித் தேர்வுகள் நடைபெறும் என அரசு ஏற்கனவே தெரிவித்திருந்தது. அதன்படி அண்ணா பல்கலைக்கழகத்தின் கீழ்  இயங்கி வரும் பொறியியல் கல்லூரி மாணவ-மாணவிகளுக்கு இறுதி செமஸ்டர் தேர்வுகள் ஆன்லைன் முறையில் இன்று தொடங்கப்பட்டன. முதல் தடவையாக ஆன்லைனில் நடைபெறும் இந்தத் தேர்வுகள் ஒரு மணிநேரம் நடைபெறும் என அறிவிக்கப்பட்டுள்ளது.

அதற்கு ஏற்றவாறு கேள்வித்தாள்கள் தயாரிக்கப்பட்டுள்ளனஒவ்வொரு நாளும் 4 சுற்றுகளாக, காலை இரண்டு சுற்றுகள், பிற்பகலில் 2 சுற்றுகள் என, வரும் 30ஆம் தேதி வரை நடைபெற இருக்கிறது.மேலும் நான்கு சரியான பதில்களில் ஒன்றை தேர்வு  செய்யும் வகையில், மல்டிபிள் ஆப்சன் (MCQ) முறையில் கேள்வித்தாள் எளிமையாக வடிவமைக்கப்பட்டுள்ளது. அதுமட்டுமில்லாம தேர்வு எழுதுபவர்களை கண்காணிப்பதற்கு வசதியாக, வெப் கேமிரா அல்லது செல்போன் முன்பக்க கேமிரா முன்னிலையில் மாணவர்கள் தேர்வு எழுதுவது கட்டாயமாக்கப்பட்டுள்ளது.