மைதானத்தில் நடந்த கால்பந்து போட்டி…. அத்துமீறி நுழைந்த மர்ம நபர்கள்…. தேடுதல் வேட்டையில் போலீசார்…!!

விளையாட்டு மைதானத்தில் மர்ம நபர்கள் புகுந்து துப்பாக்கிச் சூடு நடத்திய சம்பவம் பரபரப்பை ஏற்படுத்தி உள்ளது.

மெக்சிகோ நாட்டில் மோரிலாஸ் மாகாணத்தில் குவர்னவாகா பகுதியில் புளோரஸ் மேகன் என்ற விளையாட்டு மைதானத்தில் நேற்று முன்தினம் இரவு கால்பந்து போட்டி  நடைபெற்றுள்ளது. இதனையடுத்து கால்பந்து போட்டி நடந்து கொண்டிருக்கும் போது தீடிரென மர்ம நபர்கள் மைதானத்திற்குள் புகுந்து  துப்பாக்கிச் சூடு நடத்தியுள்ளனர். அதன் பின் மர்ம நபர்கள்  மோட்டார் சைக்கிள் மற்றும் கார்களில் தப்பிச் சென்று விட்டனர்.

இந்த சம்பவத்தில் 4 பேர் சம்பவ இடத்திலேயே பரிதாபமாக உயிரிழந்துள்ளனர். மேலும் 3 பேர் படுகாயமடைந்துள்ளனர். இது குறித்து தகவல் அறிந்த போலீசார் சம்பவ இடத்திற்கு விரைந்து சென்று படுகாயமடைந்தவர்களை மீட்டு உடனடியாக மருத்துவமனையில் சிகிச்சைக்காக அனுமதித்துள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. மேலும் இந்த சம்பவம் குறித்து போலீசார் வழக்குபதிவு செய்து தொடர்ந்து விசாரணை நடத்தி வருகின்றனர்.