திண்டுக்கல்லில் கடனை திருப்பி கொடுக்க முடியாத மன வேதனையில் இளம்பெண் விஷம் குடித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திண்டுக்கல் மாவட்டத்தில் உள்ள பெருமாள் மலை கிராமத்தில் கண்ணன் என்பவர் வசித்து வருகிறார். இவருக்கு முத்துலட்சுமி என்ற மனைவி இருந்தார். கணவன்-மனைவி இருவரும் பழ வியாபாரம் செய்து வந்துள்ளனர். இந்த வியாபாரத்திற்க்காக இவர்கள் பல இடங்களிலும் கடன் வாங்கியுள்ளனர். ஆனால் வாங்கிய கடனை இவர்களால் திருப்பி செலுத்த முடியவில்லை. இதனால் முத்துலட்சுமி மனவேதனையில் இருந்து வந்துள்ளார். இந்நிலையில் சம்பவத்தன்று வீட்டில் யாரும் இல்லாத சூழ்நிலையில் முத்துலட்சுமி விஷம் குடித்து தற்கொலை செய்து கொண்டுள்ளார்.
அதனை கண்ட அக்கம் பக்கத்தினர் அவரை மீட்டு கொடைக்கானல் அரசு மருத்துவமனைக்கு சிகிச்சைக்காக கொண்டு சென்றனர். அங்கிருந்து அவர் தேனி அரசு மருத்துவக்கல்லூரி மருத்துவமனைக்கு மேல் சிகிச்சைக்காக அனுப்பி வைக்கப்பட்டார். அங்கு சிகிச்சை பலனளிக்காமல் முத்துலட்சுமி பரிதாபமாக இறந்துவிட்டார். இந்த சம்பவம் குறித்து கொடைக்கானல் காவல்துறையினர் வழக்குப்பதிந்து விசாரணை மேற்கொண்டு வருகின்றனர்.