கணவன் மனைவிக்கு இடையே ஏற்பட்ட கருத்து வேறுபாடு காரணமாக பெண் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
அசாம் மாநிலத்தில் உள்ள சந்திராபூர் பகுதியைச் சேர்ந்த அஜய் பதூர் என்பவர் தனது மனைவி கோனிகா தேவியுடன் திருப்பூர் மாவட்டத்திலுள்ள செங்கப்பள்ளி பாலாஜி நகரில் வசித்து வருகிறார். இந்த தம்பதிகள் இருவரும் தனியார் நிறுவனத்தில் கூலி வேலை பார்த்து வந்துள்ளனர். இந்நிலையில் கணவன் மனைவிக்கிடையே குடும்ப பிரச்சினை காரணமாக அடிக்கடி தகராறு ஏற்பட்டுள்ளது.
இதனால் மனமுடைந்த கோனிகா தேவி தனது வீட்டில் சேலையால் தூக்குப்போட்டு தற்கொலை செய்துள்ளார். இதுகுறித்து தகவலறிந்த ஊத்துக்குளி போலீசார் சம்பவ இடத்திற்கு விரைந்து சென்று அவரின் உடலை கைப்பற்றி திருப்பூர் அரசு மருத்துவமனைக்கு பிரேத பரிசோதனைக்காக கொண்டு சென்றனர். மேலும் இச்சம்பவம் குறித்து வழக்குப்பதிவு செய்த போலீசார் இளம்பெண் தற்கொலை செய்துகொண்ட விவகாரம் குறித்து தீவிர விசாரணை மேற்கொண்டு வருகின்றனர்.