“கொச்சைப்படுத்தும் சூப்பர் டீலக்ஸ்”திருநங்கைகள் எதிர்ப்பு..!!

இது குறித்து திருநங்கைகள் கூறுகையில் , இப்படத்தில் விஜய் சேதுபதி குழந்தைகளை  திருநங்கைகள் கடத்துவதாக கூறியுள்ளார். திருநங்கைகள் எப்போது குழந்தைகளை கடத்தினார்கள் என்று சொல்ல முடியுமா? இப்படத்தின் கதையை கேட்டதும் விஜய் சேதுபதி அதில் நடிக்காமல் படத்தை புறக்கணித்து இருக்க வேண்டும். திருநங்கைகளை அவமானப்படுத்துவது போல காட்சியில் நடித்து இருப்பது கண்டிக்கத்தக்கது. இப்படத்தில் இவர் குழந்தை பெற்ற பின்  திருநங்கையாக மாறுகிறார், மேலும் மனைவியிடம் புடவை வாங்கி உடுத்தும் காட்சிகள் எந்த அடிப்படையில் படமாக்கப்பட்டது  என்று புரியவில்லை. திருநங்கை சமூகத்துக்கு இந்த படம் அநீதி இழைத்துள்ளது என்று கூறியுள்ளனர்.