தூய்மை பணிக்காக நவீன வாகனத்தை சூர்யாவின் 2டி நிறுவனம் வழங்கியுள்ளது.
தமிழ் சினிமா உலகில் முன்னணி நடிகராக வலம் வருகின்றார் சூர்யா. இவர் 2டி என்ற தயாரிப்பு நிறுவனத்தின் மூலம் படங்களை தயாரித்து வருகின்றார். இவர் இந்நிறுவனத்தின் மூலம் படங்களை தயாரிப்பது மட்டுமல்லாமல் சமூக நல பணிகளுக்காகவும் மக்கள் நல திட்டங்களுக்காகவும் நிதி உதவிகளையும் பொருளுதவிகளையும் செய்து வருகின்றார்.
அந்த வகையில் கானாத்தூர் ரெட்டி குப்பம் பகுதியில் தூய்மை பணிகளுக்காக வாகனம் ஒன்று வேண்டும் என அந்த ஊராட்சி சார்பாக கோரிக்கை முன்வைக்கப்பட்டது. இதனை ஏற்றுக் கொண்ட சூர்யாவின் 2டி நிறுவனம் தூய்மை பணிக்காக நவீன வாகனத்தை வழங்க முடிவெடுத்தது. இந்த வாகனத்தை சூர்யா சார்பாக அவரின் தந்தையும் நடிகருமான சிவகுமார் ஊராட்சி மன்ற தலைவர் திருமதி வள்ளி எட்டியப்பனிடம் வழங்கினார். இவரின் சமூக சேவையை சமூக ஆர்வலர்களும் திரையுலகினரும் பாராட்டி வருகின்றார்கள்.
