“பொன்னியின் செல்வன்” திரைப்படம் வரும் காலங்களில் 180 கோடி வசூலை தாண்டும் என்று எதிர்பார்க்கப்படுகின்றது.
“பொன்னியின் செல்வன்” திரைப்படம் கடந்த வாரம் திரைக்கு வந்துள்ளது. இயக்குனர் மணி ரத்னம் இயக்கியிருந்த இப்படத்தில் விக்ரம், ஐஸ்வர்யா ராய், திரிஷா, பிரபு, சரத்குமார், கார்த்தி மற்றும் ஜெயம் ரவி உள்ளிட்டோர் நடித்திருந்துள்ளனர். இதனை அடுத்து லைகா நிறுவனம் தயாரித்திருந்த இப்படத்திற்கு இசைப்புயல் ஏ.ஆர். ரஹ்மான் இசையமைத்துள்ளார். இந்த திரைப்படம் முதல் ஷோவிலிருந்து ரசிகர்கள் மத்தியில் நல்ல வரவேற்பை பெற்று வருகின்றது. மேலும் இப்படம் வசூலில் சக்கப்போடு போட்டு வருகின்றது.
ஆம், இதுவரை தமிழகத்தில் மட்டுமே சுமார் ரூ. 150 கோடிக்கும் மேல் “பொன்னியின் செல்வன்” வசூல் செய்துள்ளதாம். இனி வரும் நாட்களில் “பொன்னியின் செல்வன்” திரைப்படம் கண்டிப்பாக ரூ. 180 கோடியை தமிழகத்தில் தாண்டும் என்றும் கூறப்படுகின்றது. இதன் மூலம் “பாகுபலி” திரைப்படம் தமிழக வசூல் ரூ. 153 கோடியை அசால்டாக அடித்து நொறுக்கியுள்ளது. அதே போன்று “பொன்னியின் செல்வன்” திரைப்படம் தூள் கிளப்பும் என்று கூறப்படுகின்றது. அதுமட்டுமின்றி விஜய்யின் பீஸ்ட், அஜித்தின் விஸ்வாசம் ஆகிய படங்களின் வசூல் சாதனையையும் இப்படம் முறியடித்துவிட்டது என்பது குறிப்பிடத்தக்கது.