சுரேஷ் ரெய்னா 30 ரன்னில் ஆட்டமிழக்க சென்னை அணி 3 விக்கெட் இழப்பிற்கு 98 ரன் எடுத்துள்ளது
ஐ.பி.எல்லில் இன்று 5 ஆவது லீக் போட்டியில் சென்னை சூப்பர் கிங்ஸ் மற்றும் டெல்லி கேபிட்டல்ஸ் அணிகளும் விளையாடி வருகின்றன. இந்த போட்டி டெல்லியில் உள்ள பெரோஸ் ஷா கோட்லா மைதானத்தில் இன்று இரவு 8 மணிக்கு தொடங்கியது. டாஸ் வென்ற டெல்லி அணி கேப்டன் ஷ்ரேயஸ் ஐயர் பேட்டிங்கை தேர்வு செய்துள்ளார். இதையடுத்து ப்ரித்வி ஷாவும், ஷிகர் தவானும் களமிறங்கினர். ப்ரித்வி ஷா அதிரடியாக வியாடிய நிலையில் 24 (16) ரன்கள் குவித்து ஆட்டமிழந்தார்.. இதையடுத்து வந்த ஷ்ரேயஸ் ஐயரும் நிலைக்கவில்லை. அதன் பின் பெரிதும் எதிர்பார்ப்புடன் களமிறங்கிய ரிசப்பன்ட் 25 ரன்கள் குவித்து ஆட்டமிழந்தார்.
இதனையடுத்து வந்த வீரர்கள் சொற்ப ரன்களில் ஆட்டமிழந்தனர். தவான் அதிகபட்சமாக 51 ரன்கள் குவித்து ஆட்டமிழந்தார். இறுதியில் டெல்லி அணி 20 ஓவர் முடிவில் 147 ரன்கள் குவித்தது. சென்னை அணியில் அதிகபட்சமாக பிராவோ 3 விக்கெட்டுகள் வீழ்த்தினார்.
இதையடுத்து 148 ரன்கள் எடுத்தால் வெற்றி என்ற இலக்குடன் சென்னை அணி களமிறங்கியது. தொடக்க வீரர்களாக சேன்வாட்சனும், அம்பாத்தி ராயுடுவும் களமிறங்கினர். அம்பத்தி ராயுடு இஷாந்த் சர்மா பந்து வீச்சில் ஆட்டமிழந்தார். இதையடுத்து களமிறங்கிய ரெய்னாவும், சேன் வாட்சனுடன் ஜோடி சேர்ந்து சிறப்பாக விளையாடி வந்தனர். அரைசதம் அடிப்பார் என்று எதிர்பார்க்கப்பட்ட நிலையில் சேன்வாட்சன் 44 (26) ரன்களில் ஆட்டமிழந்தார். இதையடுத்து ரெய்னா 16 பந்துகளில் 30 ரன் எடுத்து அமித் மிஸ்ரா பந்தில் ஆட்டமிழக்க சென்னை அணி 10.2 ஓவர்களில் 3விக்கெட் இழப்பிற்கு 98 ரன் எடுத்துள்ளது . கேதார் ஜாதவ் 15* ரன்னில் களத்தில் உள்ளார். டெல்லி அணி சார்பில் அமித் மிஸ்ரா 2 விக்கெட் வீழ்த்தியுள்ளார்.