தொற்றில் இருந்து மீண்ட சூர்யா தற்போது அடுத்த படத்திற்கான படப்பிடிப்பில் கலந்து கொண்டுள்ளார்.
முன்னணி நடிகர் சூர்யா நடிப்பில் கடந்த ஆண்டு வெளியான சூரரை போற்று திரைப்படம் ரசிகர்களிடம் நல்ல வரவேற்பை பெற்றது. இதை தொடர்ந்து சூர்யா தற்போது பாண்டிராஜ் இயக்கத்தில் உருவாக உள்ள சூர்யா 40 திரைப்படத்தில் நடிக்க உள்ளார். இப்படத்தின் படப்பிடிப்பு சில நாட்களுக்கு முன்பு பூஜையுடன் தொடங்கியது.
ஆனால் சூர்யாவுக்கு கொரோனா தொற்று ஏற்பட்டிருந்ததால் அவர் பூஜையில் கலந்து கொள்ளவில்லை. இந்நிலையில் சிகிச்சை முடிந்து பூரண குணமடைந்த சூர்யா தற்போது படப்பிடிப்பில் கலந்து கொண்டுள்ளார். அவரே தனது வலைத்தள பக்கத்தில் படப்பிடிப்பில் கலந்து கொண்ட புகைப்படம் ஒன்றை வெளியீடு உறுதி செய்துள்ளார்.இதனால் சூர்யா ரசிகர்கள் மகிழ்ச்சி அடைந்துள்ளனர்.
